LEMNOS

LEMNOS
ins. maris Aegaei, satis fertilis et plana, cum portubus aliquot: ubi Muctedar, Saracenotum Dux, classem amisit, A. C. 916. Zonar. in Hist.
Calvis Chronol. etc. Thraciam a Sepr. ab Occasu Athon montem habens, fabuloso Vulcani casu nobilis est, quem a matre Iunone simul atque natus fuit, ob deformitatem praecipitatum in hanc ins. decidisse, ac propterea Lemnium appellatum fuisse, volunt. Eadem et Hypsipylaea dicitur a filia Thoantis eiusdem nominis, quae in hac ins. regnavit. Hodie Statimene Turcis et Italis vocatur. Malum Lemnium, de maximo et miserando malo, et Lemnia manus pro impia, et nefaria manu, vel a Lemniis mulieribus, de quibus supra, vel quia Atticae mulieres a Pelasgis huc adductae, et compressae, filios genuêrunt, qui, cum in Pelasgos insurgerent, ab illis ad unum caesi, indeque gravissima mala secuta sunt. Pelasgi enim cum in Attica prius habitarent, ab Atheniensibus pulsi Lemnum incoluêre, raptasque Atheniensium mulieres, cum extra urbem Minervae facerent, Lemnum, deduxêrunt, atque ex illis, velut concubinis, liberos sustulêrunt, qui cum a matribus Attico more educati, aliis Pelasgorum liberis commisceri nollent, sicque ab aliquo pulsari contigisset, iniuriam iunctis viribus propulsarent, Pelasgi id videntes, illos una cum matribus ex improviso omnes Occidêrunt. Unde sterilitas, orbitas, pestrlentia, aliaeque clades, quibus afflicti Delphicum Oraculum consuluêrunt, quonam modo a tantis malis liberarentur, quibus responsum fuit, ut Atheniensibus satisfacerent: Cumque Athenienses tum demum sibi satisfactum iri dicerent, si illi relinquerent Lemnum, respondêrunt Pelasgi, tum se Lemno decessuros, cum eo uno die vento Boreali adnavigâssent. Quod cum nullâ ratione fieri posse crederent, Miltiades Atheniensium Dux, coloniâ in Chersonnesum deductâ, inde, tamquam domo suâ, uno die flante Boreâ Lemnum pervenit, C. Nep. Milt. c. 1. sic Pelasgi cessêre. Vide Plin. l. 4. c. 12. Strabo l. 1. p. 45. l. 2. p. 124. et l. 7. p. 330. Ptol. Herod. l. 6. c. 140. Eurip. in Hecuba. Erasm. in adag. Ovid. in Ep. 6. v. 117. Hypsipyle. Iasoni.
Dos tibt Lemnos erit, terra in geniosa colenti.
Idem ibid. v. 50. Idem Met. l. 13. v. 46. et 313. Troiani belli tempore Philoctetes ab hydro, vel chersydro morsus, aut, ut Sophocles, a vipera, in hac ins. relictus est, ut poetae passim testantur, quia Vuleani Sacerdotes Lemnii ἐθεράπευον τοὺς ὀφιοδήκτους. Ita habet Eust. in Hom. l. 2. Il. Lemnum sc. nobilitat imptimis terra Lemnia, cuius astrictoriâ vi labra vulnerum coalescunt, et obducuntur maxime in venenoso morsu. Galen. cum in Lemnum ideo navigâsset, ut huius terrae vires penitius cognosceret, quendam
refert se convenisse, qui ἐπὶ τραυμάτων, ἐπί καὶ παλαιω-ν, καὶ δυσεπουλώτων, ἐχιοδήκτων τε καὶ ὅλως θηριοδήκτων, ἐπί τε τῶ θανασίμων φαρμάκων, οὐ προδιδοὺς μόνον, ἀλλά τε καὶ ἐπιδιδοὺς ἐχρῆτο τῇ σφραγῖδι, ad vulnera cum vetera, tum cicatrici obducendae contumacia, et ad morsus viperae, adeoque omnes venenosos morsus, et letalia venena, non solum pro antidoto, sed et post venenum sumptum sigillo utebatur, i. e. terrâ sigillata, s. Lemnia. Inde pharmaco nomen, adeoque toti ins. uti putat Bochart. Nam Arabice lamu, cum de vulnere agitur, est consolidare, obstringere, agglutinare. Videant igitur peritiores an fiat Lemnos vel ex simplici lama, vel ex composito lam-nahs, q. d. συνουλωτικὸν φάρμακον τῆς δήξεως, i. e. Pharmacum vulneris ex morsu obducendi vim habens. Arabice enim nahs est morsus. Ideo autem Vulcanus fingitur in Lemnum e caelo delapsus, ὅτι πῦρ ενεῖ γῆθεν ἀνεδίδοτό ποτε αὐτόματον, quia olim ibi e terra erumpebat spontaneus ignis, ut scribit Eust. in Homer. l. 1. Il. Itaque etiam Αἰθάλειαν vett. vocârunt, teste Polyb. apud Steph. ἀπὸ τȏυ ἀίθεςθαι ab ardendo. Lycophron in Alexandra,
Τεφρώσας γυῖα Λημναίῳ πυρὶ.
Adurens igne membra Lemnio.
Sen. in Herc. Oetaeo, Act. 4. v. 1360.
Quae tanta nubes flamma Sicanias vomit?
Quae Lemnos ardens? ------
Vide Suid. in Λήμνιον πῦρ. Nic. Lloyd. Loci praec. huius Ins. Mandra, in ora Or. Cochinum, olim Hephaestias, et Castrum vet. s. Paleo Castro. Suberat ante Venetis, nunc Turcis, a Mahumetis II. temporibus. Sacra eorum quod attinet, avem divino honore ab Lemniis cultam, quae noxia frugibus animalia in nidis ipsorum infestaret et ova eorum exstingueret, tradit Plutarch. de Is. et Osir. Idem Comm. de Fortiter factis a Mulier. Lemni vett. incolas simulacrum Dianae maximo cultu veneratos fuisse, et in conflictus hosticos secum tulisle, scribit. Sed et Venerem Lemniam, inter pulcherrima cultam discimus ex Luciani Imaginibus, et Lemniam Minervam, omnium Phidiae operum elaboratissimum, memorat Paus. Attic. Vide hanc in rem plura apud C. Barth. Antmadvers. ad Stat. Theb. l. 9. v. 328.

Hofmann J. Lexicon universale. 1698.

Look at other dictionaries:

  • Lemnos — Λήμνος (el) Le petit port de Kotsinos Géographie Pays …   Wikipédia en Français

  • lemnos — LEMNÓS, OÁSĂ, lemnoşi, oase, adj. (Despre ţesuturile vegetale) De natura lemnului. ♦ Format din lemn; care are aspectul şi structura lemnului. – Lemn + suf. os. Trimis de RACAI, 13.09.2007. Sursa: DEX 98  lemnós adj. m., pl. lemnóşi; f. sg.… …   Dicționar Român

  • Lemnos — Lemnos, 1) Insel im nördlichen Theile des Ägäischen Meeres, war 6 QM. groß, sehr bergig u. ganz von vulkanischem Charakter, der hohe Mosyehlos in Osten war in alter Zeit Vulkan; es gab heiße Quellen; Producte: Getreide, Baumwolle, Öl, Seide; bes …   Pierer's Universal-Lexikon

  • Lemnos — (jetzt Limno, türk. Lemni, ital. Stalimene), Insel im Ägäischen Meer (s. Karte »Griechenland«), zum türk. Insel Wilajet gehörig, umfaßt 454 qkm und ist durch zwei tiefe Buchten gegliedert. Sie besteht aus stark gefalteten und verworfenen… …   Meyers Großes Konversations-Lexikon

  • Lemnos — Lemnos, jetzt Limni, Limnos, ital. Stalimene, türk. Insel im nördl. Ägäischen Meere, Wilajet Dschesairi Bahri Sefid, 454 (477) qkm, ca. 27.100 E.; Hauptstadt Kastro(n) (oder Limnos), ca. 2000 E …   Kleines Konversations-Lexikon

  • Lemnos — Lemnos, jetzt Stalimene, Insel im ägeischen Meere, unweit der Dardanellen, gebirgig, hat auf 12 QM. 8000 griech. E.; liefert die Siegelerde (terra Lemnia). Der Hauptort ist L., Bischofssitz, 1500 E., Hafen, Fort …   Herders Conversations-Lexikon

  • Lemnos — [lem′näs΄, lem′nōs΄] Greek island in the N Aegean: 184 sq mi (477 sq km) …   English World dictionary

  • Lemnos — Infobox Greek Isles name = Lemnos native name = Λήμνος skyline = MirinaLimnosGreece.jpg sky caption = City of Myrina coordinates = coord|39|55|N|25|15|E chain = North Aegean isles = 3 area = 477.583 highest mount = elevation = 470 periph = North… …   Wikipedia

  • Lemnos — Isla de Lemnos Λήμνος Vista de Mirina, la principal localidad de la isla Localización País …   Wikipedia Español

  • Lemnos — Limnos Blick auf die Stadt Myrina Gewässer Mittelmeer Geographische Lage …   Deutsch Wikipedia

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.